Google ADS

Gjendje e mjerueshme e lumenjve në Kosovë, ministri bën apel tek policia dhe qytetarët

18:54 | 9 Gusht 2019
A. B.

Ministri në detyrë i Mjedisit, Fatmir Matoshi ka vizituar sot lumenjtë në Kosovë.

Ai përmes një postimi në Facebook ka thënë se është befasuar për të keq me gjendjen e keqe të tyre, dhe papastërtinë ekstreme.

Matoshi u ka bërë thirrje Policisë, qytetarëve dhe mediat që ta luftojnë këtë dukuri së bashku.

Ky është postimi i tij në Facebook:

Krim mjedisor kundër vetëvetës

Sot gjatë vizitave që i bëra disa lumenjve, rastisa të shoh edhe gjendje të tillë të lumit, e shkaktuar nga persona të pa përgjegjshëm që nuk ia duan të mirën vendit dhe as vetës së tyre.

Si Ministri po investojmë miliona euro në rregullimin e shtreterve të lumenjve kurse nga ana tjetër shohim skena të tilla tmerri që shkaktohen nga dora e njeriut.

Kjo është e papranueshme dhe këtë duhet ta luftojmë së bashku, inspektorët komunal, Policia e Kosovës, qytetarët dhe mediat.

Një dëmtim i tillë i ujit dhe lumenjëve pa dyshim që mban emrin krim mjedisor dhe si të tillë do ta denojmë.

Bashkë kundër krimit mjedisor!.

Shpërndaje në rrjete sociale

Lajmet më të lexuara

Të ngjashme

Foto lajm